Komisioni Evropian publikoi Dokumentin e strategjisë së zgjerimit dhe raportet për vendet e Ballkanit Perëndimor dhe Turqinë.

Në raportin për Kosovën theksohet “progres i mirë” vetëm në shtatë fjali në mesin e 102 faqeve të raportit.

Sipas raportit, në fushën e taksave dhe doganave, është bërë përparim në mbledhjen e të ardhurave tatimore, reduktimin e ekonomisë gri ose zbatimin e masave doganore për mbrojtjen e të drejtave të pronësisë intelektuale, shkruan arbresh.info.

Kosova ka arritur një nivel të përgatitjes në reformën e administratës së saj publike. Disa përparime janë bërë në përgjithësi, ndërkohë që ka pasur një progres të mirë me miratimin e paketë ligjesh për funksionimin dhe organizimin e administratës publike.

Kosova ka një nivel të përgatitjes në fushën e të drejtës së kompanive. Progres i mirë ishte bërë në rekomandimet e vitit 2018 përmes miratimit të Ligjit të ri për biznesin organizatat dhe hyrja në fuqi e Ligjit mbi kontabilitetin, raportimin financiar dhe auditimit. Ndryshimet legjislative vazhduan të sigurojnë një mjedis më të favorshëm për bizneset.

Ka pasur përparim të mirë në përafrimin me acquis për efiçiencë të energjisë, me miratimin e Ligjit të ri për Efiçiencën e Energjisë, i cili është pjesërisht i harmonizuar me efikasitetin energjetik të BE.

Kosova ka një nivel të përgatitjes në fushën e kontrollit financiar. Progres i mirë ishte bërë me miratimin e Ligjit të kontrollit të brendshëm financiar publik (PIFC).

Kosova ka një nivel të përgatitjes në fushën e statistikave. Progres i mirë është bërë duke adresuar disa nga rekomandimet e vitit të kaluar, veçanërisht duke ndryshuar Ligjin mbi statistikat, përmirësimin e llogarive kombëtare dhe zgjerimin e statistikave sociale./arbresh.info/